![Xeyrımlıda sərhədçi evləri quraşdırılır - VİDEO](https://www.sportinfo.az/media/2024/05/27/serhed.jpg)
Tavuş vilayətinin Kirants (Xeyrımlı) kəndində üzərində “AZE” yazılı sərhəd dirəklərinin quraşdırılması prosesi davam edir.
Bu barədə məlumatı və kənddən görüntüləri erməni jurnalist Ani Gevorqyan öz feysbuk hesabında paylaşıb.
Görüntülərdə Kirantsda sərhədçilər üçün evlərin quraşdırılması işləri də əks olunub.
Aprelin 19-da Azərbaycan və Ermənistan arasında sərhəddə iki ölkə arasında dövlət sərhədinin delimitasiyası üzrə Dövlət Komissiyası və ölkələrarası dövlət sərhədinin delimitasiyası və sərhəd təhlükəsizliyi məsələləri üzrə Komissiyanın səkkizinci görüşü keçirilib.
Görüş zamanı Qazaxın Ermənistan tərəfindən işğal olunmuş 4 kəndinin - Bağanis (ER) - Bağanıs Ayrım (AR), Voskepar (ER) - Aşağı Əskipara (AR), Kirants (ER) – Xeyrımlı (AR) və Berkaber (ER) - Qızılhacılı (AR) Azərbaycana qaytarılması barədə razılıq əldə edilib.