.jpg)
«Bayer» - «Qarabağ» matçından (3:2) sonra Leverkuzendə maraqlı hadisə baş verib.
Ev sahiblərinin baş məşqçisi Xabi Alonso azərbaycanlı həmkarı Qurban Qurbanovla görüşüb.
Təşəbbüs ispaniyalı çalışdırıcıdan gəlib. Görüş bir neçə dəqiqə davam edib. Alonso gözəl komanda yaratması münasibətilə Qurbanovu təbrik eləyib.
Bildirib ki, cari mövsüm «Bayer»ə belə güclü müqavimət göstərən, ona çətin anlar yaşadan ikinci rəqib qarşılarına çıxmayıb.
«Real»ın sabiq ulduzu əmin olduğunu deyib ki, «Qarabağ» tezliklə avrokuboklarda daha yaxşı nəticələr qazanacaq.
O, şəxsi tanışlıqdan məmuniyyətini dilə gətirib, zamanla bu münasibətlərin daha da dərinləşəcəyinə ümid etdiyini söyləyib.
Azərbaycan çempionu Avropa Liqasının 1/8 final mərhələsinin Bakıda keçirilən ilk oyununda 2:2 edib. Almaniyada təşkil olunan cavab qarşılaşması isə ev sahiblərinin 3:2 hesablı qələbəsiylə başa çatıb.
Patrik Şikin son dəqiqələrdə vurduğu 2 qolla ¼ final mərhələsinə adlayan «Bayer» burada «Vest Hem»lə üz-üzə gələcək.
SPORTİNFO.AZ
.jpg)
