“Australian Open”də Azərbaycana qarşı növbəti təxribata yol verildi - VİDEO

24 Yanvar 02:10 Hadisə 210
“Australian Open”də Azərbaycana qarşı növbəti təxribata yol verildi - VİDEO

Tennisçilərin “Australian Open” turnirində Azərbaycana qarşı növbəti təxribata yol verilib.

Sportinfo.az xəbər verir ki, yarışda Ermənistanla yanaşı Qarabağdakı separatçı rejiminin bayrağı açılıb.

Bu təxribatçı əməl turnirdə Rusiyanı təmsil edən erməni əsilli tennisçi Karen Xaçanovun təşəbbüsü ilə yaponiyalı Yesexito Nisioka ilə görüş zamanı törədilib.

Həmçinin Xaçanov oyundan sonra yenidən kameranın obyektivinə “Sona qədər inanmağa davam edin. Artsax, möhkəm ol” yazıb.

Bundan sonra Azərbaycan Tennis Federasiyası Rusiya Tennis Federasiyasına etiraz məktubu ünvanlayıb.

Xaçanov yanvarın 20-də ABŞ tennisçisi Frensis Tiafonunu məğlub etdiyi görüşdən sonra da qələbə sevinci adı ilə kameraya ürək sözlərini yazıb.

O, obyektivin üzərinə “Artsax möhkəm ol” sözlərini qeyd edib. Azərbaycan Tennis Federasiyası həmin hadisədən sonra Beynəlxalq Tennis Federasiyasına və Rusiya Federasiyasına etiraz məktubu ünvanlayıb.

Digər Xəbərlər
Xəbər Lenti
8 Fevral 02:30 Ruben Vardanyan qaçdı