Avropa Liqasının qrup mərhələsində "Qarabağ"ın rəqibi olan "Olimpiakos"da ayrılıq gerçəkləşib.
Sportinfo.az xəbər verir ki, müdafiəçi Konstantinos Manolas Yunanıstan klubunu tərk edib.
30 yaşlı futbolçu Birləşmiş Ərəb Əmirliklərindən "Şardja"ya transfer olunub. Yunanıstan millisinin üzvü yeni klubu ilə 2 illik müqavilə imzalayıb.
"Qarabağ" "Olimpiakos"la ilk oyunu 6 oktyabr tarixində səfərdə keçirəcək. Komandalar arasında ikinci görüş isə bir həftə sonra Bakıda baş tutacaq.
