.jpg)
Portuqaliya millisinin ulduzu Kriştianu Ronaldonun Avropa çempionatının F qrupunun III turunda Fransaya vurduğu ikinci qol onun üçün əlamətdar olub.
Sportinfo.az xəbər verir ki, 60-cı dəqiqədə penaltidən fərqlənən 36 yaşlı hücumçu yığmadakı qollarının sayını 109-a çatdırıb.
O, bununla da, İran komandasının Azərbaycan əsilli sabiq forvardı Əli Daeinin rekordunu (109 qol) təkrarlayıb.
Ronaldo dünya və Avropa çempionatlarında vurulmuş qolların sayına görə ilk pilləyə yüksəlib. Hazırda onun aktivində ümumilikdə 21 qol var. O, bu qolların 14-nü qitə çempionatında, 7-ni isə mundialda vurub.
.jpg)
.jpg)
