Son Fransa çempionu "Lill"in futbolçusu Reynildu Mandava ölkəsi Mozambikdə hücuma məruz qalıb.
Sportinfo.az xəbər verir ki, bu barədə klubun sosial media hesabı məlumat yayıb.
Onun durumunun yaxşı olduğu bildirilib.
Fransa mətbuatı isə yazıb ki, Reynildu istirahət etdiyi ölkəsi Mozambikdə dostunun toyuna gedən zaman onun maşınını oğurlamağa çalışıblar.
Cinayətkarların silahdan atəş açması nəticəsində avtomobilin pəncərələri qırılıb. Baş verənlərdən sonra futbolçu polis bölməsinə gedib və gecəni orada keçirib.