Qarabağ Universitetinin modeli hazırlanır.
Bunu elm və təhsil naziri Emin Əmrullayev Tibb Təhsili üzrə Beynəlxalq Konfransda deyib.
Nazirin sözlərinə görə, bu universitet yəqin ki, Ağdamda tikiləcək:
“Biz bu universitetdə də tibb təhsilinin verilməsini istəyirik”.
E.Əmrullayev, həmçinin qeyd edib ki, tibb təhsilinin coğrafiyası genişləndirilməlidir:
“Ənənəvi olaraq tibb sadəcə bir ali təhsil müəssisəsində verilir. Hesab edirəm ki, bu sahədə universitetlər arasında mübadiləni təmin etmək mümkündür. Xüsusən də texnologiya sahəsində bu mübadilə daha məqsədəuyğun olardı”.
Nazir əlavə edib ki, tibb təhsilinin beynəlxalq təcrübələrə uyğunlaşdırılmasına ehtiyac var və nazirlik bu istiqamətdə təkliflərə açıqdır.
