“İlk təbrik edən anam oldu.
Mən bu qələbəmi şəhidlərimizə və atama həsr edirəm. Ruhları şad olsun”.
Sportinfo.az xəbər verir ki, bunu Avropa çempionatında qızıl medala layiq görülmüş Ülvü Qənizadə Vətənə qayıtdıqdan sonra jurnalistlərə açıqlamasında bildirib.
“Qarşıda dünya çempionatı var. Məqsəd dünya çempionluğudur. Ümid edirəm ki, bu bizə nəsib olacaq. Boşalmaq olmaz, hələ hər şey irəlidədir. İnanıram ki, nəticələrin ardı gələcək”, - idmançı əlavə edib.
