Koronavirusa görə milli çempionatlar dayansa da, transfer xəbərləri səngimək bilmir.
Sportinfo.az xəbər verir ki, transfer bazarında təəccüblü xəbərlər dolaşır.
PSJ-nin futbolçusu Kilian Mbappenin adı indi də “Liverpul”la hallanır. Məlumata görə, “Liverpul” rəhbərliyi 21 yaşlı futbolçuya maraq göstərir.
Əgər Mane komandanı tərk etsə, Mbappenin klubun əsas transfer hədəfi olacağı deyilir. “Liverpul”un Kiliana görə PSJ-yə 170 milyon və əlavə olaraq bonus şəklində 115 milyon avro ödəməyə hazır olduğu bildirilir.
