Çilinin ”Colo-Colo” klubunun futbolçusu Arturo Vidal, VAR sisteminin dəfələrlə “Real”ın xeyrinə olan böyük hakim səhvləri nəticəsində icad edildiyini düşünür.
Sportinfo.az xarici KİV-ə istinadən xəbər verir ki, o, vaxtı ilə Avropada formasını geyindiyi komandalarla “Real”a qarşı oyunlardan sonra bu nəticəyə gəlib:
“Bəli, bu VAR sistemi məhz hakimlər “Real”ın xeyrinə çox “oynamağa” başladıqdan sonra icad edilib. Buna şübhəm yoxdur. Biz də “Real”ın xeyrinə çevrilən səhvlərdən əziyyət çəkirdik”.
Vidal daha əvvəl “Barselona”, “Yuventus”, “Bayern”, “İnter” kimi klublarda forma geyinib.
