Uels millisi ötən ay baş məşqçisiz qalmışdı. Rob Peyc Cəbəllütariqlə yoldaşlıq oyununda qolsuz heç-heçədən qısa müddət sonra qovulmuşdu.
Sportinfo.az xəbər verir ki, indi Uels Futbol Assosiasiyası Kreyq Bellaminin milli komandanın baş məşqçisi təyin olunduğunu elan edib.
“Liverpul”un keçmiş futbolçusunun müqaviləsi 2028-ci ilə qədər nəzərdə tutulub. 44 yaşlı Bellami son iki mövsümdə “Bernli”də çalışıb.
O, bu klubda Vensan Kompaninin məşqçilər heyətində yer almışdı.
Bellami Uels millisində 78 oyuna çıxıb, 18 qol vurub.
