Leverkuzen “Bayer”inin müdafiəçisi Jarel Kuansa karyerasını yenidən İngiltərədə davam etdirə bilər.
Sportinfo.az “Sky Sports”-a istinadən xəbər verir ki, 23 yaşlı futbolçu ilə “Arsenal” maraqlanır.
“Topçular” artıq “Bayer”lə transferlə bağlı danışıqlara başlayıb.
Almaniya klubu müdafiəçisini satmaq istəmir. Bu səbəbdən, “Arsenal” Kuansanı heyətinə qatmaq üçün kifayət qədər ciddi məbləğ ödəməli olacaq.
İngiltərəli futbolçu “Bayer”ə ötən yay “Liverpul”dan keçib. Leverkuzen təmsilçisi onun transferi üçün 35 milyon avro ödəyib.
İngiltərə millisinin üzvü “Bayer”in heyətində bütün turnirlərdə 44 matça çıxıb və 5 qol vurub.
.jpg)
