Rusiyanın paytaxtı Moskvada "WRPF" üzrə 9-cu dünya çemionatı keçirilib.
Sportinfo.az xəbər verir ki, dünyanın 29 ölkəsindən 4000-dən çox idmançı bu mötəbər yarışda iştirak edib.
Güc idman növləri üzrə keçirilən yarışda ölkəmizi başda federasiya prezidenti Bəxtiyar Quliyev olmaqla vitse-prezidentlər Raif Süleymanov, Namiq Cəfərov və komandamızın digər üzvləri təmsil edib.
Yarışda "Deadlift" hərəkəti üzrə 40-49 yaş kateqoriyasında Bəxtiyar Quliyev 290 kg çəkinin öhdəsindən gələrək qızıl medala layiq görülüb. Bəxtiyar Quliyev bu nəticə ilə karyerasında 9-cu dəfə dünya çempionu adını qazanıb.
Güc İdman Növləri üzrə keçirilən bu çempionatda ölkəmizi Azərbaycan Strongmen Federasiyası təmsil edir.
Vitse-prezident Raif Süleymanov da öz çəkisində müxtəlif hərəkətlər üzrə bütün rəqliblərinə qalib gələrək yarışı 3 qızll medalla başa vurub.
