Yaponiyanın paytaxtı Tokioda cüdo üzrə dünya çempionatına start verilib. Sportinfo.az xəbər verir ki, milli komandamız yarışa uğursuz başlayıb.
İlk yarış günündə tatami üzərinə çıxan hər 3 cüdoşumuz mübarizəni erkən dayandırmalı olub.
Davud Məmmədsoy (60 kq) və Aişə Qurbanlı (48 kq) ilk görüşlərini qələbə ilə başa vursalar da, növbəti rəqiblərinə məğlub olublar. Leyla Əliyeva (48 kq) isə ilk görüşdə portuqaliyalı idmançıya uduzub.
Sabah milli komandamızın üzvlərindən Nicat Şıxəlizadə (66 kq), Gültac Məmmədəliyeva (52 kq) və rumıniyalı legionerimiz Larisa Florian (52 kq) tatami üzərinə çıxacaq.
.jpg)
