Azərbaycanın cüdo üzrə qarışıq komandası Bakıda keçirilən dünya çempionatında təsəlliverici görüşə çıxıb.
Sportinfo.az xəbər verir ki, rəqib Hollandiya olub.
Görüş Azərbaycan yığmasının qələbəsi ilə yekunlaşıb - 4:2. Heyətdəki qadın cüdoçulardan İçinxorlu Munxtsedev (57 kq) və İrina Kindzeska (+70 kq) görüşlərini qələbə ilə başa vurublar. Günel Həsənli (70 kq) isə rəqibinə məğlub olub.
Kişilərdən Məmmədəli Mehdiyev (90 kq) və Hidayət Heydərov (73kq) da rəqibini üstələməyi bacarıb. Uşangi Kokauri (+90 kq) isə rəqibinə məğlub olub. Bununla da Azərbaycan komandası bürünc medal görüşünə vəsiqə qazanıb.
Komanda yarışları
Azərbaycan - Hollandiya - 4:2
57 kq. İçinxorlu Munxtsedev – Devi Kartauz – 1:0
70 kq. Günel Həsənli – Fransen Yul - 0:1
+70 kq. İrina Kindzerska – Van Dik Sanne - 1:0
90 kq. Məmmədəli Mehdiyev – Noel Van End - 1:0
+90 kq. Uşangi Kokauri – Roy Meyer - 0:1
73 kq. Hidayət Heydərov – Sam Van Vestend - 1:0
.jpg)
