Bakıda keçirilən cüdo üzrə dünya çempionatı davam edir.
Sportinfo.az xəbər verir ki, Azərbaycan cüdoçusu Hidayət Heydərov dünya çempionatında yarımfinala yüksəlib.
21 yaşlı cüdoçu 1/4 finalda monqolustanlı Odbayar Qanbaatara qalib gəlib. O, rəqibini vazaari xalı ilə üstələyib.
Yarımfinal və medal görüşləri saat 16:00-da başlayacaq. Azərbaycanın digər təmsilçisi Rüstəm Orucov isə mübarizəni dayandırıb.
Onun 1/8 final mərhələsində monqolustanlı Tsoqtbaatar Tsend-Oçirlə görüşü 8 dəqiqə 35 saniyə davam edib. Əlavə vaxtda monqolustanlı cüdoçu vaazari xalı ilə qalib gələrək, mərhələ adlayıb.
