Azərbaycan cüdoçuları Hidayət Heydərov və Rəşid Məmmədəliyev Birləşmiş Ərəb Əmirliklərinin paytaxtı Əbu-Dabidə keçirilən “Böyük Dəbilqə” turnirinin mükafatsız başa vurublar.
Sportinfo.az xəbər verir ki, Olimpiya, dünya və Avropa çempionu Hidayət Heydərov 1/8 finalda Muxiddin Asadulloyevə (Tacikistan) uduzub.
Rəşid Məmmədəliyev isə ABŞ-li Stiven Boldbaatara məğlub olub.
Hər iki cüdoçumuz 73 kq çəki dərəcəsində mübarizə aparırdı.
Ötən gün 4 cüdoçumuz medal qazana bilməmişdi.
