“Real”ın baş məşqçisi Karlo Ançelotti komandanın yarımmüdafiəçisi Orelyen Tçuameninin vəziyyəti barədə danışıb.
Sportinfo.az klubun mətbuat xidmətinə istinadən xəbər verir ki, italiyalı mütəxəssis, fransalı futbolçunun Çempionlar Liqasının final matçında iştirak etməyəcəyini təsdiqləyib:
“Tçuameni final oyununda oynamaq üçün çalışır. O, öz üzərində çox işləsə də, bu, real görünmür”.
“Real”ın Çempionlar Liqasının finalındakı rəqibi Dortmund “Borussiya”sı olacaq.
Komandalar iyunun 1-də qarşılaşacaqlar. Kubok uğrunda oyun Londondakı “Uembli” stadionunda keçiriləcək.
