.jpg)
"Türkiyənin bizə dəstəyi çox böyükdür. Türk xalqına minnətdarıq".
Sportinfo.az xəbər verir ki, bu fikirləri boks üzrə Azərbaycan millisinin böyük məşqçisi Nəriman Abdullayev "Anadolu" agentliyinə açıqlamasında Dağlıq Qarabağ münaqişəsi barədə danışarkən deyib.
Təcrübəli mütəxəssis bildirib ki, bu ərəfədə Türkiyə Azərbaycana xeyli yardım edib: "Türk idmançılarını da sevirik. Hamısı bizim qardaşlarımızdır. Türkiyənin bizə dəstəyi əvvəldən olub və indi də davam edir.
Qarabağ bizimdir, Qarabağ Azərbaycandır. Boksçularımız arasında daha əvvəl döyüşlərdə iştirak edən və şəhid olanlar da var. Yığmanın üzvləri və məşqçiləri cəbhəyə getməyə hazırdır".
