.jpg)
Azərbaycanın daha bir boksçusu Serbiyanın paytaxtı Belqradda keçirilən dünya çempionatında yarımfinal görüşünə çıxıb.
Sportinfo.az xəbər verir ki, 71 kq-da yarışan Sərxan Əliyevin rəqibi ukraynalı Yuri Zaxariyev olub.
Qarşılaşmadan 0:5 hesablı məğlubiyyətlə ayrılan Əliyev finala yüksələ bilməyib. O, bürünc medalla kifayətlənib.
Azərbaycan boksçusu Alfonso Dominges də yarımfinal görüşünə çıxıb. 86 kq-da mübarizə aparan idmançı kubalı Ruis Kordoba ilə qarşılaşıb.
Rəqibinə 4:1 hesabı ilə qalib gələn Dominges adını finala yazdırıb. O, sabah baş tutacaq həlledici qarşılaşmada braziliyalı Keno Maçadonu sınağa çəkəcək.
92 kq-dan yuxarı çəki dərəcəsində çıxış edən Məhəmməd Abdullayev isə finala gedən yolda ermənistanlı Davit Çaloyana 0:5 hesabı ilə uduzaraq bürünc medalla kifayətlənib.
