.jpg)
Azərbaycanın daha iki boksçusu Serbiyanın paytaxtı Belqraddakı dünya çempionatında 1/4 final görüşünə çıxıb.
Sportinfo.az xəbər verir ki, əvvəlcə 51 kq-da mübarizə aparan Məsud Yusifzadə tailandlı Tanarat Saenqpetlə qarşılaşıb.
Rəqibinə 0:5 hesabı ilə uduzan idmançı yarışı medalsız başa vurub.
71 kq-da çıxış edən Sərxan Əliyev isə bu raundda ABŞ təmsilçisi Obed Barti-El ilə qüvvəsini sınayıb.
4:1 hesablı qələbə qazanan idmançı adını yarımfinala yazdırıb. Əliyev həlledici görüşə vəsiqə uğrunda ukraynalı Yuri Zaxariyevlə üz-üzə gələcək.
Yarımfinal qarşılaşmaları noyabrın 4-də baş tutacaq. Növbəti 2 gündə isə final görüşləri təşkil olunacaq.
