.jpg)
"Komandamız hazırda Tokioda Olimpiya kəndindədir. Boksçularımızın məşqi bu gün açıq havada gerçəkləşib".
Sportinfo.az xəbər verir ki, bu fikirləri boks üzrə Azərbaycan millisinin böyük məşqçisi Nəriman Abdullayev idmançıların Tokio-2020 Yay Olimpiya Oyunlarına hazırlığı barədə danışarkən deyib.
Mütəxəssis bütün təlim-məşq toplanışlarını geridə qoyduqlarını sözlərinə əlavə edib:
"Qarşıda bizi olimpiada gözləyir. Yarışa çox az qalıb. Komandamız bu gün də məşqini davam etdirir, çəkilər yoxlanılır. Axşam saatlarında püşkatmadan sonra idmançılarımızın ilk rəqibləri bəlli olacaq".
Azərbaycan yığması Tokio-2020-də 5 boksçu ilə mübarizə aparacaq.
Ölkənin idman şərəfini Tayfur Əliyev (57 kq), Cavid Çələbiyev (63 kq), Lorenzo Sotomayor (69 kq), Alfonso Dominqes (81 kq) və Məhəmməd Abdullayev (+91 kq) qoruyacaq. Boks yarışları iyulun 24-də başlayacaq.
