.jpg)
Azərbaycanda çoxuşaqlı anaların aylıq müavinətləri artırılıb.
Bu, Prezident İlham Əliyevin iyunun 12-si imzaladığı sosial müavinətlərin, Azərbaycan Respublikası Prezidentinin təqaüdlərinin və fəxri adlara görə təqaüdlərin məbləğlərinin artırılması və bununla əlaqədar Azərbaycan Respublikası Prezidentinin bəzi fərmanlarında və Sərəncamında dəyişiklik edilməsi haqqında Fərmanda öz əksini tapıb.
Sənəddə qeyd olunur ki, beşdən çox uşağı olan qadınlara hər uşaq üçün 140 (yüz qırx) manat müavinət təyin edilsin.
Bunadək çoxuşaqlı anaların aylıq müavinətləri hər uşağa görə 105 manat təşkil edirdi.
Sözügedən dəyişiklik iyulun 1-dən qüvvəyə minəcək.
