2025/2026 mövsümündə Azərbaycanı UEFA turnirlərində təmsil edəcək bütün komandalar dəqiqləşib.
Sportinfo.az xəbər verir ki, bu, bu gün "Qarabağ" və "Sabah" arasında keçirilmiş Azərbaycan Kubokunun final oyunundan sonra bəlli olub.
Həlledici matçda rəqibini üstələyən (3:2) "Sabah" Avropa Liqasına vəsiqə qazanıb.
Premyer Liqanın qalibi olan "Qarabağ" UEFA Çempionlar Liqasında mübarizə aparacaq.
Digər avrokubok iştirakçıları, "Zirə" və "Araz-Naxçıvan" Konfrans Liqasında çıxış edəcək.
