Mahir Emrelinin “Nürnberq”dən ayrılmasının səbəbi üzə çıxıb.
Bu barədə tanınmış telejurnalist Ceyhun Rzayev açıqlama verib.
ATV kanalında yayımlanan “Futbolumuz” verlişinin aparıcısı bildirib ki, millimizin hücumçusu II Bundesliqa klubunda ayrı-seçkiliyə məruz qalıb.
Belə ki, komandanın bir neçə almaniyalı oyunçusu onu təkləyib və beləcə, aralarında insident yaşanıb.
“Nürnberq”in idman direktoru daha sonra 27 yaşlı forvarda müqavilənin müddətini artırmağı təklif edib. O isə meneceri ilə məsləhətləşərək, kontraktı uzatmaqdan boyun qaçırıb.
Mövsümün əvvəlində Zaqreb “Dinamo”sundan II Bundesliqa təmsilçisinə keçən Mahir Emreli “Nürnberq”in heyətində çempionatda 10, ölkə kubokunda 1 qola imza atıb.
Azərbaycanlı hücumçu ilə Bundesliqa təmsilçisi “Sankt Pauli”nin və “Kayzerslautern”in maraqlandığı deyilir.
SPORTİNFO.AZ
VİDEONU BU LINKƏ DAXİL OLARAQ İZLƏYİN
