Kamran Əliyev mövsümün sonunda "SKA-Xabarovsk"dan ayrılacaq.
Sportinfo.az xəbər verir ki, azərbaycanlı futbolçu müqaviləsinin müddətini uzatmayacaq.
Klub Kamrana yeni sözləşmə təklif edib. Lakin 26 yaşlı vinger ayrılıq qərarı verib. O, yeni təklifləri dəyərləndirəcək.
Əliyev mövsümün əvvəlindən SKA-da çıxış edir. Həmyerlimiz Xabarovsk təmsilçisinin heyətində meydana çıxdığı 33 rəsmi matçda 4 qol və 4 məhsuldar ötürmə ilə yadda qalıb.
Sabiq "Sumqayıt"lı 2023-cü ilin fevral ayından 2024-cü ilin iyununadək "Sumqayıt"ın formasını geyinib.
