Azərbaycan millisinin üzvü Zamiq Əliyev "Eqnatiya"dan ayrıla bilər.
Həmyerlimizə Avropanın bir neçə klubundan real təklif var.
24 yaşlı futbolçunun meneceri bu istiqamətdə danışıqları davam etdirir.
Zamiq özü də daha güclü liqalarda oynamaqda maraqlıdır.
Müdafiəçi ötən yaydan Albaniya təmsilçisinin şərəfini qoruyur.
Millimizin üzvü keçirdiyi 43 görüşdə 1 qolla yadda qalıb.
O, adıçəkilən klubla bu mövsüm həm Albaniya çempionu olub, həm də ölkə kubokunu qazanıb.
Zamiq daha əvvəl ölkəmizdə "Araz-Naxçıvan", "Kəpəz" və "Qarabağ"da forma geyinib.
XANOĞLAN / SPORTİNFO.AZ
