Bilindiyi kimi, "Nürnberq"də çıxış edən Mahir Emreli zədələnib.
Sportinfo.az xəbər verir ki, bu barədə II Bundesliqa klubunun rəsmi saytı məlumat yayıb.
Azərbaycan millisinin üzvü 31-ci turda "Fortuna" ilə matçda əlindən xəsarət alıb. Onda metakarpal (əl sümüyü) sınığı aşkarlandığı qeyd olunub.
Hazırda 28 yaşlı hücumçunun müalicə olunduğu, onun xüsusi hazırlanmış şinlə məşqlərə və oyunlara qatıla biləcəyi bildirilib.
Qeyd olunub ki, Mahirin nə vaxt məşqlərə başlayacağı hələlik bəlli deyil.
"Fortuna" ilə matçda (3:3) komandasının ikinci qolunu vuran Emreli ardıcıl 3 oyundur ki, fərqlənir. O, son 3 qarşılaşmada rəqib qapılarına 4 dəfə yol tapıb.
