Azərbaycan millisinin hücumçu Mahir Emrelinin formasını geyindiyi “Nürnberq” mövsümün ikinci yarısının hazırlıqlarına başlayıb.
Sportinfo.az xəbər verir ki, Miroslav Klozenin rəhbərlik etdiyi kollektiv ilin ilk məşqinə çıxıb, bu gün isə Herzogenauraxda təlim-məşq toplanışına start verib.
Emrelinin komandası yanvarın 10-na kimi burada qalacaq. Yanvarın 12-də isə İkinci Bundesliqa klubu “İnqolştadt”la iki yoldaşlıq oyunu keçirəcək.
Oyunların yeri və vaxtı hələ açıqlanmayıb.
