Almaniyada “Nürnberq”in futbolçularının cari mövsümün ilk yarısındakı çıxışını dəyərləndirərkən, komandanın azərbaycanlı hücumçusu Mahir Emrelinin performansına da toxunublar.
Sportinfo.az xəbər verir ki, “Bild.de” nəşri Emreli haqda bunları yazıb:
“Dinamo”dan (Zaqreb) gələn yeni forvard əvvəlcə sindesmozdan sağalmalı idi, sonra isə dörd qol və bir məhsuldar ötürmə ilə çıxış etdi.
Ən son olaraq azərbaycanlı futbolçu baş məşqçi Miroslav Kloze ilə mübahisəsi ilə gündəmə gəlmişdi. Gələcəkdə Emrelini izləmək maraqlı olacaq”.
