"Legiya"nın baş məşqçisi Mahirə görə təəssüfləndi: ”Buna görə məğlub olduq”

26 Sentyabr 2021 16:20 Bizimkilər 2 972
"Legiya"nın baş məşqçisi Mahirə görə təəssüfləndi:  ”Buna görə məğlub olduq”

“Legiya”nın baş məşqçisi Çeslav Mixneviç Ekstraklasanın 9-cu turunda “Rakuv”a 2:3 hesabı ilə uduzduqları oyundan sonra açıqlama verib.

Sportinfo.az xəbər verir ki, 51 yaşlı mütəxəssis oyunda 1 qol vuran Mahir Emrelidən də danışıb:

“Oyuna yaxşı başladıq. Topu saxladıq, oyuna nəzarət etdik. Andre Martinsin dəyərləndirə bilmədiyi yüz faizlik qol imkanımız oldu.

Daha sonra səhv etdik və rəqib hesabı açdı. Rəqibə qolu hədiyyə etdik. Bundan sonra Mahir Emrelinin gözəl zərbəsindən sonra fərqi azaltdıq.

Meydanda bərabər oyun gedirdi və daha çox qol imkanları yaratdıq. Dəyişikliklər etdik. Yaxşı qol imkanlarımız olsa da, dəyərləndirə bilmədik.

Ən azından hesabı bərabərləşdirmək üçün iki çox yaxşı imkanımız oldu. Biri Rafa Lopesin zərbəsi idi.

Digəri isə Mahirin son dəqiqələrdəki qol imkanı. Emrelinin başla zərbəsi qol olsaydı, hesab bərabərləşəcəkdi və növbəti qol haqda düşünməyə başlayacaqdıq. Amma olmadı. “Rakuv” imkanlarını dəyərləndirdi, biz yox. Buna görə məğlub olduq”.

Digər Xəbərlər
Xəbər Lenti