Sportinfo.az xəbər verir ki, zəfərə aparan yolda qəhrəmancasına şəhid olanlardan biri Beyləqan rayon Birinci Şahsevən kəndindən olan gizir Cavanşir Əzimovdur.
Gizir rütbəsi almağı çox arzulayan Cavanşir bu istəyinə müharibəyə cəmi iki gün qalmış çatıb. Yeni rütbəsini aldıqdan sonra ön cəbhəyə yola düşüb. Snaypern olaraq düşmən hədəflərini dəqiqliklə nişan alıb.
Cavanşirin hərbə marağı ondan xatirə qalmış əşyalarından da bilinir. Onun hərbi geyimə xüsusi diqqət göstərib.
Cavanşir şəhid olduqdan sonra “Vətən uğrunda” və “Füzulinin azad olunmasına görə” medalları ilə təltif olunub.