"Bakı"nın sabiq baş məşqçisi Milinko Pantiç Azərbaycan çempionatı haqqında danışıb. Sportinfo.az "İzvestiya"ya istinadən xəbər verir ki, serbiyalı mütəxəssis Premyer Liqamızın zəif olduğunu deyib:
"Orda çempionatın səviyyəsi çox aşağıdır. Mən o vaxt işləyəndə yüksək liqada 10 komanda var idi. İndi isə cəmi 8 klub qalıb ki, bu da çox azdır. O dövrdə güclü legionerlər oynayırdı, indi demək olar heç biri qalmayıb. Həm də çempionatda rəqabət yoxdur. "Qarabağ" digərlərindən bir neçə dəfə güclüdür. Mövsümün əvvəlində artıq inamlı şəkildə demək olar ki, "Qarabağ" çempion olacaq. Rəqabət olmayanda inkişaf da getmir. Hətta "Neftçi" belə liderin qarşısını ala bilmir".
53 yaşlı serb 2013/2014-cü illər mövsümündə Azərbaycanda çalışıb.