.jpg)
AFFA İntizam Komitəsinin bu gün keçirilən iclasında I divizionun 4-cü turu ilə bağlı qərarlar verilib.
Sportinfo.az xəbər verir ki, divizion klubları işə qeyri-peşəkar yanaşmaya görə cəzalara məruz qalıblar.
“Sumqayıt-2” – MOİK və “Ağsu” – “Neftçi-2” görüşündə meydan sahibi komandalar protokolu vaxtında tərtib etməyiblər, cəzası 80 manat olacaq. “Turan Tovuz” – “Kəpəz” qarşılaşmasında tovuzluların nümayəndəsi oyunöncəsi iclasa gecikib, bunun da əvəzi 80 manatdır.
Bundan başqa, hər iki komandanın azarkeşləri pirotexniki vasitələrdən istifadə edib, klublar 80 manat cərimə ödəyəcək. Divizionun 3-cü turunun MOİK – “Keşlə” görüşündə "ordu klubu" matçın videoçəkilişini aparmadığına görə 80 manat cərimələnib.
.jpg)
.jpg)
