AFFA prezidenti Rövnəq Abdullayev Premyer Liqada çıxış edən bir sıra klubların rəhbər şəxsləri ilə görüşüb.
Toplantı federasiyanın mənzil-qərargahında təşkil olunub. Uzun müddətdən sonra ilk dəfə iclas keçirən federasiya başçısı növbəti mövsümlə bağlı müzakirələr aparıb.
O, Premyer Liqanın 6 ildən sonra 10 komandanın iştirakı ilə bapş tutacağını xatırladıb və bunu «yeni dönəm» adlandırıb. R.Abdullayev bildirib ki, gələn çempionatdan gözləntiləri böyükdür və maraqlı mübarizəyə şahidlik edəcəyinə şübhə bəsləmir.
AFFA rəhbəri klubların maliyyə durumu haqda da danışıb. Qeyd edib ki, federasiya bu istiqamətdə bir sıra işlər görüb və bundan sonra da görəcək.
Qurumun bir nömrəli şəxsi SOCAR-ın maddi təminat məsələsində Premyer Liqa təmsilçilərinə böyük dəstək verəcəyini bildirib, tezliklə dotasiyanın ayrılacağını diqqətə çatdırıb.
SPORTİNFO.AZ
.jpg)
