"Azərbaycan ekzotik ölkədir. Orada çıxış etdiyim vaxt futbolda yaxşı pul var idi".
Sportinfo.az xəbər verir ki, bu fikirləri "Xəzər Lənkəran"ın sabiq legioneri Alvaro Silva "marbella24.es" saytına açıqlamasında Azərbaycandakı karyerası barədə danışarkən deyib.
Alvaro Silva 2013/2014 mövsümündə "Xəzər Lənkəran"ın formasını geyinib. İspaniyalı müdafiəçi ölkəyə tez uyğunlaşdığını bildirib:
"Klub paytaxt Bakıdan uzaqda məskunlaşsa da, şəraiti yaxşı idi. Onda Toni Doblas da "Xəzər Lənkəran"da çıxış edirdi. Komandanın baş məşqçisi isə Con Benjamin Toşak idi. Həmin kollektivlə Azərbaycan Super Kubokunu qazandıq".