.jpg)
Avropa Liqasında 2019/20 mövsümünə yekun vurulub.
SSportinfo.az xəbər verir ki, həlledici qarşılaşmada İspaniya təmsilçisi “Sevilya” ilə İtaliya “İnter”i üz-üzə gəlib.
Niderlandlı Denni Makkelienin idarə etdiyi matç "Sevilya"nın 6-cı Avropa Liqası finalı olub. Bu komanda əvvəlki 5 finalda olduğu kimi, yenə kuboku muzeyinə aparmaq niyyətindəydi.
Sonuncu dəfə 1998-ci ildə ikinci dərəcəli klub turnirinin qalibi olan “İnter” isə 22 illik fasilədən sonra meydana çıxdığı 5-ci həlledici görüşdə 4-cü titulunu qazanmağı hədəfləmişdi. Amma beş qolun qeydə alındığı matçda yenə sevinən tərəf "Sevilya" olub.
