"Qarabağ"a vurduğu qolu ən yaxşı sayır: "Bu, biabırçılıq idi"

7 Yanvar 17:47 Avropa Liqası 1 112
"Qarabağ"a vurduğu qolu ən yaxşı sayır:

APOEL-in müdafiəçisi Giorgios Merkis karyerasında ötən ilin ən yaddaqalan məqamlarını açıqlayıb. Sportinfo.az xəbər verir ki, yerli telekanallardan birində qonaq olan futbolçu Çempionlar Liqasının 3-cü təsnifat mərhələsinin Nikosiyadakı ilk oyununda (1:2) "Qarabağ"ın qapısına vurduğu qolu 2019-un ən yaxşısı adlandırıb:

"Qarabağ"a vurduğum qolu fərqləndirərdim. Uduzsaq da, bilirdim ki, vacib qoldur. Mərhələnin adlayandan sonra bir daha qürur hiss keçirdim".

Merkis Avropa Liqasının qrup mərhələsinin ilk turunda evdə "Düdelanj"a 3:4 hesabı ilə uduzduqları görüşü də xatırlayıb: "Məğlubiyyətə görə utanırdıq. APOEL-i müəyyən məbləğdə qazancdan etdik. Bu, böyük biabırçılıq idi. Həmin hadisədən sonra 2 gün evdə qaldım. "Lüksemburq klubuna uduzmuşuq" cümləsini işlədə bilmirdik".

Çempionlar Liqasında "Qarabağ"ın yolunu kəsən APOEL Avroliqanın qrup mərhələsində də təmsilçimizə "başağrı" olmuşdu. Ağdam klubu ilə Bakıda 2:2 heç-heçə oynayan kiprlilər evdə isə 2:1 hesablı əzmkar qələbə qazanmışdı.

Digər Xəbərlər
Xəbər Lenti
8 İyul 22:40 "Sabah" ona iş verdi