Avropa Liqasının qrup mərhələsinin V tur oyunlarından sonra həftənin ən yaxşı futbolçusu adına namizədlər bəlli olub.
Sportinfo.az xəbər verir ki, bu ada "Liverpul"dan Kodi Qakpo, "Marsel"dən Pyer-Emerik Obameyanq, Almaniya təmsilçisi "Frayburq"dan Mixael Qreqoritş və Norveçin "Molde" kollektivindən Kristian Eriksen iddia edir.
Yarımmüdafiəçi Eriksen məhz "Qarabağ"la 2:2 hesablı heç-heçə etdikləri qarşılaşmada iki qolla yadda qalıb.
Qalib UEFA-nın rəsmi saytında səsvermə yolu ilə bəlli olacaq.
