“Biz fərqli oyun göstərmək istəyirdik.
Yaxşı nəticə əldə etməli idik, amma alınmadı”.
Sportinfo.az xəbər verir ki, bu sözləri "Braqa"nın məşhur futbolçusu Joao Moutinyo Avropa Liqasının pley-off mərhələsində öz meydanlarında "Qarabağ"a uduzduqları oyunu (2:4) haqda Portuqaliya mətbuatına açıqlamasında deyib.
Portuqaliya millisinin sabiq üzvü bildirib ki, 2:4 hesablı məğlubiyyət işlərini çox çətinləşdirib:
"Biz nə qələbəyə, nə də heç-heçəyə layiq deyildik. Cavab matçında gücümüzü 100 faiz ortaya qoymalıyıq.
Bu, təkcə keyfiyyətlə bağlı deyil, həm də iradə və ruhla bağlıdır. 2:4 hesablı məğlubiyyət vəziyyəti çox çətinləşdirəcək.
Amma məqsəd varsa, ümid də var. Bunun öhdəsindən gəlmək üçün mən də daxil olmaqla cavab matçına fərqli münasibət göstərməliyik”.
Komandalar arasında cavab matçı fevralın 22-də Bakıda keçiriləcək.