Afrika zonası üzrə DÇ-2026-nın seçmə mərhələsində növbəti oyunlar keçirilib.
Sportinfo.az xəbər verir ki, G qrupunda yer alan Mozambik millisi səfərdə Uqanda ilə üz-üzə gəlib.
“Zirə”dən Mozambik millisinə dəvət alan Rikardo Martins Gimaraynş da bu görüşün iştirakçısı olub.
Meydana start heyətində çıxan yarımmüdafiəçi 56-cı dəqiqədə Manuel Kambala ilə əvəzlənib.
Matç Mozambik yığmasının 0:4 hesablı məğlubiyyəti ilə başa çatıb. Seçmə mərhələdə ardıcıl ikinci matçda uduzan Rikardo Martins Gimaraynşın komandası qrupda üçüncü yerə düşüb.
12 xala malik Mozambik sona 3 tur qalmış turnir cədvəlində Uqanda və Əlcəzairdən geri qalır.
.jpg)
