“O yerə qalxmaq üçün çox əziyyət çəkmişik” - AFRİKALI MÜSAHİB

19:40 Zirə 119
“O yerə qalxmaq üçün çox əziyyət çəkmişik” - AFRİKALI MÜSAHİB

“Zirə”nin müdafiəçisi Anje Mutsinzi Sportinfo.az-a müsahibə verib.

Ruandalı legioner komandasının “Qəbələ” üzərində qazandığı 2:1 hesablı qələbə haqda sualları cavablandırıb.

- Bu cür çətinliklə üzləşəcəyinizi gözləyirdin?

- Bu gün bütün komandalar mübarizə aparmaqla fərqlənir. Bir daha bunun şahidi olduq. Məğlub olmasına baxmayaraq, “Qəbələ”nin döyüşkənliyini qeyd edə bilərəm. Həqiqətən çətin oyun oldu. Önəmli olan səfərdən 3 xal qayıtmaq idi ki, buna görə sevinməyə dəyər.

- İlk 15-20 dəqiqədə nə baş vermişdi? Qol buraxdınız, hətta rəqib əlavə iki qol şansı yaratdı.

- Belə olacağını gözləyirdik. Rəqib öz meydanında oynayırdı deyə, ilk dəqiqələrdən bütün gücü ilə pressinq edəcəyini bilirdik. Qol vurmaqlarında yol verdiyimiz səhv rol oynadı. Lakin özümüzü itirmədik, oyunu davam etdirdik və ikinci hissədə lazım olanı etdik.

- “Qəbələ”ni təcrübə sayəsində üstələdiyinizi düşünürsən?

- Mən bu qələbədə xarakter göstərməyimizi ön plana çəkə bilərəm. Bəlkə də hansısa məqamlarda təcrübə öz sözünü deyirdi. Ancaq ümumi götürəndə komanda ruhu və xarakter rol oynadı.

- “Zirə” son iki mövsümü 2-ci pillədə başa vurmuşdu. Rəqiblərinizin keyfiyyətli legionerlərlə gücləndiyini və Salifu Sumayla Rafael Utziqin itkisini nəzərə alsaq, bu çempionatın sonunu eyni mövqedə təsəvvür edə bilirsən?

- Sizə deyim ki, ötən mövsüm də asan olmamışdı. O yerə qalxmaq, mövqeyimizi qorumaq üçün çox əziyyət çəkmişdik. İtkilərimiz olsa da, yeni gələn futbolçular da var. Sadəcə, onların komandaya uyğunlaşması üçün müəyyən zaman lazımdır. Məqsədimiz dəyişimir, yenə avrokuboklara vəsiqə uğrunda mübarizə aparacağıq.

HƏBİB

Digər Xəbərlər
Xəbər Lenti