Zirə Olimpiya Kompaleksində aparılan yenidənqurma başa çatıb.
Bu barədə Sportinfo.az-a «Zirə»nin mətbuat xidmətinin rəhbəri Elmar Abdullazadə məlumat verib.
O bildirib ki, sentyabrın 18-də «Qarabağ»la Premyer Liqanın 7-ci turu çərçivəsində keçiriləcək oyunun adıçəkilən məkanda təşkili üçün artıq heç bir problem qalmayıb.
Tribunada əlavə «sky-box» yaradılıb, oturacaqlar dəyişdirilib, həmçinin qazondakı problem aradan qaldırılıb.
«Qartallar» mövsümün ilk həftələrində ev oyunlarını Mərdəkanda – «Dalğa Arena»da qəbul etməli olub.