“Ukraynaya qarşı oyun böyük problem idi”.
Sportinfo.az xəbər verir ki, bu sözləri qadın voleybolçulardan ibarət Azərbaycan millisinin baş məşqçisi Faiq Qarayev deyib.
Təcrübəli mütəxəssis Avropa Qızıl Liqasının ilk turunun Ukrayna ilə görüşü haqda fikirlərini açıqlayıb:
“Komandamı qələbə münasibətilə təbrik edirəm. Sloveniyadakı təlim-məşq toplanışından sonra mövsümdə ilk rəsmi oyunumuzu keçirdik.
Voleybolçularımız qələbə əzmi nümayiş etdirdi. Onlar öz meydanımızdakı azarkeşləri sevindirdilər. İndi növbəti matça hazırlaşacağıq”.
