!["Onun bura gələndə bizə verdiyi vədləri açıqlasam, ölkədə qalmaqal yaranar"](https://www.sportinfo.az/media/2023/12/04/1700824076_fb_img_1700823956294.jpg)
Kişi voleybolçulardan ibarət “Xarı Bülbül” (Şuşa) və “Xarı Bülbül” (Laçın) komandaları dağılmaq astanasındadır.
Klub prezidenti Nuran Hüseynov sponsor tapmaqda çətinlik çəkdiyi üçün kollektivlə yollarını ayırıb.
Sportinfo.az xəbər verir ki, “football-plus.az” məsələ ilə bağlı Laçın təmsilçisinin baş məşqçisi Cavid Süleymanovla əlaqə saxlayıb:
“İndiyə kimi Nuran Hüseynov kluba cibindən 1 manat pul belə qoymayıb. Hər şeyi komandanın təsisçi-direktoru İlqar İmamquliyev edirdi.
Hacı Nuran bura gələndə bizə verdiyi vədləri açıqlasam, ölkədə qalmaqal yaranar.
Mənim onunla düşmənçiliyim yoxdu. Sadəcə, o, “Xarı Bülbül”ə heç bir maddi yardım etməyib”.