“Kopenhagen”in hücumçusu German Onuqa Danimarka çempionatından Türkiyə Super Liqasına keçə bilər.
Sportinfo.az “Legalbet”-ə istinadən xəbər verir ki, adı açıqlanmayan iki klub 29 yaşlı forvardla maraqlanır.
Türklər Onuqaya ildə 850 min avro ödəməyə hazırdır.
Onun Danimarka klubu ilə hazırkı müqaviləsinin müddəti gələn ilin yayında başa çatacaq. Onuqa ötən mövsüm 28 oyun keçirib, 13 qol vurub və 1 məhsuldar ötürmə verib.
“Kopenhagen” UEFA Çempionlar Liqasında “Qarabağ”ın rəqiblərindən biridir.
