"Bursaspor"un vitse-prezidenti Emin Adanur mövsümün əvvəlində heyətə cəlb olunmuş futbolçuların çıxışını dəyərləndirib.
Sportinfo.az xəbər verir ki, klub rəsmisi yerli telekanallardan birinə müsahibəsində yalnız 2 oyunçudan narazı qaldığını bildirib.
Funksioner həmin futbolçuların adlarını açıqlamayıb. Adanur aralarında Azərbaycan millisinin yarımmüdafiəçisi Namiq Ələskərovun da yer aldığı digər transferlərin isə uğurlu olduğunu vurğulayıb:
"Komandada həddindən artıq razı qaldığım futbolçular var. Massimo Bruno, İsmail Yüksək, Namiq Ələskərov, Nikolas Salasar, Luka Tsapan, Mert Yılmaz çox yaxşı oyunçulardır.
Yalnız 2 nəfərlə bağlı peşmanlıq hissi keçirirəm. Onların adını isə deməyim düzgün olmaz".
Namiq Ələskərov I liqa təmsilçisi ilə 2+1 illik müqavilə imzalayıb.