Noyabrın, eləcə də, növbəti həftənin ilk günü Türkiyədə azərbaycanlı futbolçuların qarşıdurması baş tutacaq.
Birinci Liqanın 11-ci turu çərçivəsində “Bursaspor” “Ankara Keçiörengücü”nü qəbul edəcək.
Bursalıların heyətində millimizin üzvü Namiq Ələsgərov çıxış edirsə, paytaxt təmsilçisinin “11-liy”ində Vüsal İsgəndərlini görmək mümkündür.
Turnir cədvəlindəki intriqa baxımından oyunun əhəmiyyəti öz yerində. Lakin iki azərbaycanlını qardaş ölkədə rəqib qismində görməyin öz ləzzəti var.
Hər iki futbolçu ötən mövsüm Azərbaycan Premyer Liqasında top qovurdu. Birinci “Neftçi”də, ikinci “Keşlə”də. Namiq hətta 19 qolla çempionatımın bombardiri olmuşdu.
“Bursaspor” 9 oyundan sonra topladığı 11 xalla 11-ci pillədə qərarlaşıb. 9 oyuna 7 xal yığan “Ankara Keçiörengücü” isə 19 komanda arasında 18-cidir.
HƏBİB / Sportinfo.az