Azərbaycan millisinin futbolçusu Namiq Ələskərov “Bursaspor”un heyətində “siftə” edib.
26 yaşlı hücumçu yayda keçdiyi komandanın heyətində ilk qolunu vurub.
Sportinfo.az xəbər verir ki, bu, Türkiyə TFF I Liqasının X turunda autsayder “Balıkesirspor”la səfər matçına təsadüf edib.
Start heyətində meydana daxil olan Ələskərov 29-cu dəqiqədə hesabı açıb. Bursalılar matçın sonuna yaxın daha bir qol vuraraq, 2:0 hesablı qələbə qazanıb. Həmyerlimiz 88-ci dəqiqədə əvəzlənib.
Qələbə sayəsində xal ehtiyatını 11-ə çatdıran “Bursaspor” turnir cədvəlində 10-cu yerə yüksəlib.