.jpg)
Namiq Ələsgərovun formasını geyindiyi “Bursaspor” ciddi maliyyə çətinliyi ilə üzləşib.
Komandanın TFF I Liqanın cari mövsümünə uğursuz start götürməsinin əsas səbəbi bununla əlaqədardır.
“Yaşıl timsahlar“ 7 turdan sonra 5 xalla 19 iştirakçı arasında 18-ci pillədə qərarlaşıb.
Klubun yeni rəhbərliyi maddi öhdəlikləri yerinə yetirmir. Ötən mövsümdən yığılıb qalan borcların böyük hissəsi hələ qaytarılmayıb.
Bu üzdən, Türkiyə Futbol Federasiyasına çoxsaylı şikayət ərizələri göndərilib. Habelə FİFA-ya oxşar məzmunlu məktublar göndərilib.
Müqaviləsi bitən və sözləşməsi davam edən futbolçuların idarəçilərdən başqqa bir narazılığı var: onlar məşqçilərin işinə qarışır, heyət seçimində fikirlərinin nəzərə alınmasını tələb edirlər.
Bursa təmsilçisi 7 həftə ərzində artıq iki çalışdırıcı ilə yollarını ayırıb. "Yaşıl timsahlar" bugünlərdə Özcan Bizatiyə tapşırılıb.
53 yaşlı mütəxəssislə 1+1 illik müqavilə imzalanıb. Bizati bu postda sentyabrın 19-da istefaya göndərilmiş Fatih Tekkeni əvəzləyib.
SPORTİNFO.AZ
.png)
